Blog de tuplace

Este será un espazo de encontro cos auténticos artífices e protagonistas da actualidade cultural, artística e de lecer a nivel local

  • Página Principal
    Página Principal Aqui Vostede pode encontrar todas as postaxes do blog
  • Categorias
    Categorias Mostra unha lista de categorias deste blog.
  • Tags
    Tags Mostra unha lista de tags utilizadas no blog.
  • Blogueiros
    Blogueiros Procura por seu blogger favorito neste site.
  • Equipos
    Equipos Encontre aqui seus blogs de equipo favoritos.
  • Login
    Login Formulário de login

Entrevistas

Sección centrada en entrevistas a personaxes relevantes do panorama cultural do noso país

932

Como remate a este intenso mes de Marzo e ao noso especial de entrevistas adicadas ás mulleres, entrevistamos a Tanxugueiras, trío de mulleres que fan música tradicional e de raiz desde Galiza, cunha gran proxección internacional.

Tanxugueiras son Olaia Maneiro, Sabela Maneiro e Aida Tarrío. Partindo dun coñecemento rigoroso da tradición e das músicas de transmisión oral, xúntanse Olaia, Sabela e Aida nun encontro único onde a maxia, a naturalidade, a espontaneidade e a comunión musical xorden desde o primeiro minuto.

Continuar lendo
0
929

Continuamos coas entrevistas dentro do especial Mulleres na Cultura deste mes de Marzo. Desta volta entrevistamos á escritora Antía Yañez, galardoada co Premio Illa Nova de Narrativa 2018 por 'Senlleiras'. 

Antía Yáñez (Burela, 1991) é enxeñeira de Camiños, aínda que nunca exerceu a profesión. Entre os premios outorgados á súa obra atópanse o Certame de Microrrelatos "Lonxa Literaria" 2013, de Moaña, o Premio de Relatos Curtos “Os Viadutos” 2014, de Redondela, e o Certame Literario de Poesía e Narración Breve de Cambre (2016). Actualmente compaxina a escrita coa xestión dunha academia en Cecebre (Cambre), onde imparte obradoiros de escritura para rapazas e rapaces. O misterio de Portomarín é a súa primeira novela. En 2018 escrebe 'Senlleiras', novela pola cal recibe o Premio Illa Nova de Narrativa.

Continuar lendo
0
692

Comezamos este mes de Marzo cun especial de entrevistas adicadas ás mulleres: Mulleres na Cultura. Nesta primeira entrega, entrevistamos a Vudú

O dúo feminino Vudú son Belém Tajes, teclado e voces xunto con Maritxinha no baixo e loops. Nace na Coruña no ano 2016, un ano antes, gravan en formato cuarteto un primeiro EP nos estudos Bruar da Coruña e gracias a ese EP gañan en Compostela o premio á mellor canción en Galego por "Eu son VooDoo" no certame Música Xove.

Continuar lendo
0
1407

Retomamos a nosa andaina polo panorama cultural, tras un longo parón para tomar folgos, da man dun dos valores emerxentes da canción galega contemporánea. Trátase do cantautor e escritor Miguel Alonso.

Nado en 1984 en Ferrol, Miguel Alonso compón dende moi novo. Toca a guitarra e o piano, ademáis de colaborar con outros músicos, dos que di ter a sorte de coñecer. A maioría da súa obra está escritas en galego porque, como di, "son galego". Isto parece fácil de entender, pero non sempre é así. Publica o seu primeiro disco, “A noite dous cans” no 2010, ademáis de varios discos colectivos e Ep's.

Continuar lendo
0
10796

Entrevistamos a Ledia Costas, un dos nosos grandes valores da escrita, galardoada, entre outros, co Premio Nacional de Literatural Infantil e Xuvenil.

Ledicia Costas, natural de Vigo, é unha escritora galega. Empezou a escribir desde moi nova, sendo unha autora versátil que transita os máis diversos temas, estilos e xéneros. A súa primeira novela publicada foi Unha estrela no vento (Edicións Xerais 2000), libro que escribiu cando era unha adolescente e que actualmente vai pola 17ª edición. Mentres cursaba os seus estudos de Dereito gañou diversos premios literarios convocados pola universidade, tanto de relato como de poesía.

Continuar lendo
0
7639

Co gallo da aterraxe na Coruña da súa espectacular exposición itinerante 'Airiños aires. Rosalía', entrevistamos ao gran fotógrafo coruñes Xurxo Lobato.

Xurxo Lobato Sánchez, nado na Coruña, é un fotógrafo e fotoxornalista galego. É membro da Real Academia Galega de Belas Artes "Nosa señora do Rosario".

En 1977 foi fotógrafo colaborador nos seguintes xornais e revistas: Teima, Man Común, A Nosa Terra, correspondente gráfico de El País e a Axencia Cover, Cambio16, Vogue, Elle, Telva, Geo, Feinsmeicker, Dier Spiegel, El Mundo, La Vanguardia, El Periódico,El Dominical, El Semanal, National Geographic, Historia National Geographic, Viajar, Spain Gourmetour, Sobremesa e Capital.

Continuar lendo
0
6841

Saldamos a nosa débeda e iniciamos a andadura polo universo da escrita con Mercedes Queixas, escritora e profesora, secretaria xeral da AELG

Mercedes Queixas Zas, nada na Coruña, é unha escritora galega. É licenciada en Filoloxía Hispánica, subsección galego-portugués, na Universidade da Coruña, e exerce actualmente a docencia no CPI Alcalde Xosé Pichel, de Coristanco, labor que compaxina coas funcións de secretaria xeral da Asociación de Escritoras-es en Lingua Galega.

Continuar lendo
0
5022

Entrevistamos ao gran Carlos Blanco, artista en toda a definición da palabra, actualmente inmerso en diversos proxectos.

Carlos Blanco Vila, nado en Vilagarcía de Arousa, é un actor e humorista, autor e director de ampla traxectoria. Traballou en filmes como “Heroina” de Gerardo Herrero, “Sé quien eres” de Patricia Ferreira ou “Cargo” de Clive Gordon. Tivo un pequeno papel en “VOLVER” de Pedro Almodóvar, entre outros traballos cinematográficos.

Continuar lendo
0
5265

Entrevistamos a Guadi Galego, unha das nosas grandes referentes musicais dende hai xa uns anos e que ven de ser galardoada co Premio Martin Codax da música.

Guadi Galego, natural de Cedeira, A Coruña, comeza a súa andaina musical sendo moi nova, estudando música no conservatorio da Coruña e música tradicional en distintos grupos da zona. No ano 1997 entra a formar parte do grupo Berrogüetto, no cal estivo dez anos exercendo como cantante e gaiteira.

Con esta banda acadou un grande recoñecemento internacional e gravou tres discos: Viaxe por Urticaria (1999) e máis Hepta (2001), ámbolos dous calorosamente recibidos pola crítica e obxecto de varios premios e recoñecementos, entre eles, o de Mellor Grupo Folk Europeo do ano 2000 e unha candidatura aos Grammy Latinos na súa edición de 2002.

Continuar lendo
0
6839

Continuamos a nosa sección de entrevistas no blogue de TuPlace co grande músico Xabier Díaz, co gallo da publicación do seu novo disco "The Tambourine Man", no que contou ca colaboración das marabillosas Adufeiras de Salitre.

Xabier Díaz (A Coruña, 22 de agosto de 1969) compaxina as súas facetas de músico e compositor cunha laboriosa actividade como investigador e compilador do folclore tradicional galego. Froito deste traballo editou Coplas para Icía (2007) coa participación a Pedro Lamas e Suso Iglesias.

Foi cantante titular da compañía Nova Galega de Danza coa que realizou os espectáculos Alento, Engado e Tradicción que xiraron pola península ibérica.

Continuar lendo
0